الاثنين - 30 نوفمبر 2020

طريقة التعامل مع طفل عنيف والتخلص من اسلوب العنف

  • mahmoud
  • 27 يونيو 2019
طريقة التعامل مع طفل عنيف والتخلص من اسلوب العنف

طريقة التعامل مع الطفل العنيف

والتخلص من اسلوب العنف

طفل عنيف او طفلك عنيف او ابنك عنيف ابنك عدواني ، اوعي تخلي حد يقولك كدا او يقول لطفلك انه طفل

عنيف عشان دي مصطلخات غلط. الكارثة الاكبر انك يا عزيتي الام لما تشتكي لحد من ابنك

بتقولي ان ابنك عنيف

تعالي نتكلم في الموضوع دا

طفلك عمره من سنة ونصف ل ثلاث سنين

وبتلاحظي أنه بيضرب الأطفال اللي في سنه او حتى الأكبر وأحيانا بيضربك انتي كمان

والموضوع احيانا بيتطور ويحصل قرص وعض وخربشة

الناس بيقولولك ابنك عنيف ( طفل عنيف – ابنك عدواني )

ابنك كده هيبقى غبي

ابنك لازم تربيه

فانتي تتعصبي وتقومي ضرباه أو لو مسكتي اعصابك على الاخر هتزعقيله وتديه محاضرة في الأخلاق

وسبحان الله بردو الولد مش بيتغير وعنفه بيزيد وبدل ما كانت فترة مؤقتة هتعدي

ابنك فضل عنيف بعد ما كبر ووصمك انتي والمجتمع له أنه عنيف بقى أمر واقع

طيب ايه الحل

نعمل ايه عشان الدائرة دي تقف 

اولا:  لازم نفهم ليه الطفل بيتصرف كده ⇐⇐

• في المرحلة العمرية دي الضرب والعض والتصرفات العنيفة بتحصل لأن الطفل بيكون عاجز عن التواصل

بالكلام بشكل يوفي كل احتياجاته ومشاعره

• كمان الطفل بيختبر حدوده وقدراته

• وبيجرب تصرفات جديدة بيختبر بها ردود الأفعال

ثانيا : بعد ما عرفنا الأسباب لازم نتصرف صح وقت التصرف العنيف علشان نساعد الطفل

يتخطى المرحلة دي ⇐⇐⇐

〈 ايه التصرف الصحيح بقى 〉

اولا : خد رد فعل سريع بدون تأخر ولا ثانية

♦ تروحي تبعدي ابنك عن الموقف اللي فيه الضرب أو العض

♦ وتقوليله بحزم وهدوء الضرب ممنوع

♦ مينفعش نضرب حد

♦ كده فلان يزعل

♦ ونعتذر للطفل المضروب

♦ وكل ما الموقف يتكرر نقول نفس الجملة بنفس النبرة لحد ما ابنك يحفظها

♦ ومنديش محاضرات في التربية عشان الطفل ميتشتتش

♦ هي جملة قصيرة وواضحة وخلاص

ثانيا : ما تأفوريش في رد فعلك

♦ مبنضربش ابدا الطفل زي ما ضرب غيره احنا كده بتقوله تصرفك ده ممكن يحصل لما يكون حد غلطان .

وبالتالي هو لما يشوف طفل غلطان من وجهة نظره هيضربه

♦ وياريت متصرخيش في وشه بمعني ادق ( الام تتحول لـ الست اطاطا وتصوت في وشة وتزعق)

ثالثا : عرفي مشاعره

♦ قولي له انا عارفة انك غضبان أو زعلان عشان حصل كذا بس واحنا زعلانين أو غضبانين مبنضربش .

♦ الضرب ممنوع

رابعا : شتتي الأطفال لما يكون سبب الضرب لعبه بيتخانقوا عليها

واللعبة تتشال خالص لأنهم بيكونوا لسه صغيرين مش فاهمين فكرة تبادل الأدوار وان كل واحد يلعب شوية

خامسا : ياريت تراقبي تصرفاتك انتي وكل اللي في محيط الطفل من الكبار اللي بيتدخلوا في تربيته .

 لو فيكم حد بيتعامل معاه بعنف أو ضرب مش منطقي ولا عادل نطلب منه يتوقف عن الضرب

سادسا :خدي بالك من اللي ابنك بيشوفه في التليفزيون والموبايل

الدراسات أثبتت أن الطفل اللي بيشوف مشاهد عنيفة غالبا بيتصرف بشكل عنيف

سادسا : علمي طفلك يعبر عن غضبه بشكل صح

♦ اهميه وقولي له لما حد ييجي ياخد منك حاجة بتاعتك وانت مش عاوز بدل ما تضربه قول لا

♦ لما حد يضايقك قوله بس وهكذا كل طفل وسنه

♦ المهم نلاقي بديل نعلمهوله بدل ما يلجأ للعنف

سابعا واخيرا : متسمحيش لنفسك ولا لأي حد يوصم ابنك بأنه عنيف

 

اقرا ايضا :

1- مقال عن : طريقة عمل بسبوسة زي الجاهزة من المحلات

2- مقال عن : الحقن العضلي سؤال وجواب

3- مقال عن : حقنة العضل للأطفال تصيب بالشلل

4- مقال عن : حقنة عضل وكيفية اعطائها للمريض

5- مقال عن : اضرار عمليات التخسيس واثارها الصحيه

6- مقال عن : العنف الاسري تعريفه واثاره واضاره علي الاسرة والمجتمع

7- مقال عن : تأخر التسنين عند الاطفال

8- مقال عن : ارتفاع درجة الحرارة – كيفيّة التعامل مع إرتفاع درجة الحرارة عند الأطفال

9- مقال عن : كيف تنسف الكرش وتنقص وزنك

10- مقال عن : القهوة الخضراء

11- مقال عن : تنعيم الشعر

12- مقال عن : نقص الكالسيوم في الجسم

13- مقال عن : مرحلة التسنين عند الاطفال

14- مقال عن : الشعور بالارهاق والاجهاد

15- مقال عن : مشكلة نقص فيتامين د

16- مقال عن : اهم النصائح – فقدان الشهية عند الاطفال

17- مقال عن : طريقة التعامل مع طفل عنيف والتخلص من اسلوب العنف

18- مقال عن : طريقه إعطاء حقنة عضل للاطفال اقل من عمر ٥ سنوات

19 مقال عن : تربية الاطفال عمر سنتين

 

%d مدونون معجبون بهذه: