الثلاثاء - 29 سبتمبر 2020

رعاية الطفل حديثي الولادة

  • mahmoud
  • 29 ديسمبر 2018
رعاية الطفل حديثي الولادة

رعاية الطفل حديثي الولادة

 

لا شك من ان رعاية الطفل حديثي الولادة مهم وخاصة اذا كان هو المولود الاول في الاسرة الصغيرة فضيف

جديد دخل الاسرة وهو مفتاح السعادة للاب والام ولذلك العناية به.

عشان نتكلم عن رعاية حديثي الولادة فترة الشهور الاولي هنقسمها لعدة مقالات بلغة شبة عامية عشان

تبقي بسيطة وسهلة


فحص الحمل :

بعد الولادة ساء كانت طبيعية او قيصرية فخرج الكائن الصغير اللطيف(حديثي الولادة)  للنور واللي انتظرناه تسع شهور

فلازم نهتم بالاتي :

1- انه تم كشط الطفل جيدا ( يعني تم تنظيف جوف الطفل من ايه سوائل من الرحم ويجب ان يتم ذلك بعد الولادة

مباشرة في غرفة العمليات قبل خروج الام والطفل )

2- هنهتم بوزن الطفل كان كام عشان الوزن هنتابع بيه نمو الطفل طول اول سنتين

3- تاني يوم الولادة لازم يروح يطعم في الوحدة الصحية ويتم تحديد باقي التطعيمات ومواعيدها

4- لازم نهتم بالغيار الدائم علي السرار عشان ينشف ويقع ودا يفضل خمس مرات بوضع كحول ثم بودرة الترطيب

التي يصفها الطبيب.

5- لازم نهتم بالغيار للطفل وملاحظة لون البراز الخاص به . ولو تغير لونه او في اسهال يجب مراجعة الدكتور .

6- الاهتمام بالرضاعة جيدا وتدفئة الطفل .

7– ممنوع تقبيل الطفل من فمه ( بوس الطفل من فمه ) لان مناعته ضعيفة ودا ممكن يعرضة لانتقال البكتيريا

والفيروسات وامراض كتيرة في غني عنها .

هتيجي واحده وتقول انا فمي نظيف وبغسلة علطول دي ملهاش علاقة بنظافة الفم لان مناعتك بتقاوم الفيروسات

والبكتيريا هو تقريبا معندوش مناعة فمش هيقدر يقاومها

هتيجي واحدة تانية تقول هتكسف اقول لامي او اختي متقبليش ابني او بنتي من فمه / هقولها ولما يتعب وتجري

بيه علي الدكاترة وتسهري جنبة وقلبك بيوجعك علي تعبه هتبقي برده مكسوفه.

هتيجي واحدة تانية وتقول هيردوا عليا لو قولت كدا ويقولوا محدش خلف غيرك ؟ اه محدش خلف غيري دا ابني

او بنتي تعبت فيه تسع شهور ولازم احافظ عليه.

8- لازم نعرف ان الطفل الرضيع مش بيتكلم

فالبتالي بيعبر عن اي حاجة ببكائة ولما يبكي معناه في الغالب جعاااااااااااااان او عاوز يغير الحفاضة بتاعته او عنده

انتفاخ  ولو كل دول تمام  يبقي نراجع الدكتور عشان ممكن يبقي تعبان .

اقرأ أيضا : حديثي الولادة ورعايته من الشعر حتي القدمين


دقيقه من وقتك يـا مامي بعد إذنك و تعالي اقرأي الكلام ده 

  • الاطفال اول سنتين ملهمش مواعيد نوم حتى لو الطفل مش هينام الا ٥ دقايق فى اليوم.

  • الحمام عند الأطفال  لونه ممكن يكون اصفر او أخضر / أو أسود و عليه نسبة اخض

  •  مفيش مشكله و يكون سايل او ماسك شويه او فيه مخرز مفيش اى مشاكل و مش محتاج اى

          علاج و التحزيق عادى طول فتره اول ٤ شهور بتوع الالتزام بالرضاعه .

  • الطفل عند سنه لـ سنه و نصف لو متكلمش خالص  نعرضه على دكتور انف و اذن و نعمل له

           مقياس سمع .

  • و نستبعد اى مشاكل نفسيه و عصبيه و عضويه فى الاذن و الأعصاب .

  • علاج الصفرا الوليديه هى الاشعه الضوئيه فقط.

    اى ادويه تانيه كلها كلام سوق و اثرها مش مؤكد لكن اغلب الناس بيزعلوا لما اقولهم مش محتاج اى علاج

و علاج الطفل فقط الرضاعه و المتابعه الا فى بعض الحالات و دى شغله الدكتور.

  • ادويه الانتفاخ للاطفال كلها تحصيل حاصل لان السبب مازال موجود الـِ هو الحليب سواء كان

         الطبيعى او الصناعى و الحل هو تظبيط مواعيد الرضاعه تكون كل ٣ ساعات .

  • لبن الام مفيد علطول حتى لو بعد ٣ سنوات كمان (حصل من بعض الامهات كانوا بيتدلعو

          و خايفين طفلهم يتعب نفسيا لما يتفطم ) لكن الطفل بيحتاج زياده على هيئه تغذيه

  • تطعيم شلل الاطفال هو الوحيد اللى متخافوش ان الطفل ميتطعموش لانه بياخده باى طريقه

         و ملوش جدول ولا مواعيد

  • بلاش جيلاتى خالص للاطفال لا قبل سنه و لا عند اى سن خالص طول الشتا و هما تعبانين.

  • المانجو و الفراوله نخف منها شويه كتير علشان الاملاح و حمو النيل للأطفال

  • عينه الغده الدرقيه من اليوم الـ٣ لـ اليوم الـ٧ رجاء محدش يأخركم لانها مهمه جدا

  • الطهاره من الأسبوع الـ٢ و حتى الربعين بتكون زى الفل طول مفيش صفرا.

    إنما بتكون صعبه كل ما الطفل بيكبر بيحتاج مخدر.

  • المعطر و الريحه و البرفانات بلاش منها

         علشان لو الطفل عنده استعداد للحساسيه

         و لو لازم يبقى و احنا خارجين و من برا على الملابس

  • الطفل من عمر سنه لـ ٥ سنوات ضروووورى نهتم بانيميا الحديد و ياخد فيتامينات

  • ضرورى مع كل زياره لدكتور الاطفال نطمن على فتحه النافوخ و نشوف الاذن و منظقه الحفاضات

  • بعض الاطفال الذكور بيكون عندهم ميه على الخصيه دى مفيش منها مشكله

         و ممكن الطفل يتطاهر و بتروح ان شاء الله عند عمر سنه

  • رجاء اى حد عنده طفل مولود ذكر يطمن على فتحه البول فى العضو عنده.

        علشان لو فيه حاجه يبقى من بدرى نطمن على

       الخصيتين و لو معلقه يبقى على عمر سنه نشكف جراحه و نعمل اشعه تليفزيونيه للاطمئنان

  • اثناء الرضاعه الطفل ممكن ينهج شويه و يعرق.

          لكن تزيد يبقى محتاجين نكشف عند الدكتور بتاعنا

          علشان نطمن ان البيبى معندوش اى مشاكل من اى نوع سواء فى الصدر او القلب

           و فى الاخر بتكون مشكله فى الانف و علاجها نقط محلول ملحى دُمتم بخير حال .

اقرأ أيضا : 

قناة اليوتيوب – حياتك بين ايديك life-inyour-hands

%d مدونون معجبون بهذه: