الاثنين - 30 نوفمبر 2020

سؤال .. جننتيني يا ماما …. ارحميني يا ست الكل

  • mahmoud
  • 21 مايو 2019
سؤال .. جننتيني يا ماما …. ارحميني يا ست الكل

جننتيني يا ماما …. ارحميني

يا ست الكل

 

سؤال وجواب يتضمن نصائح جوهرية لتعامل الام مع طفلها وكيفية تربيته وتجنب

التصرفات الخاطئة في صورة حوار بين الام والطفل 

سؤال يا سِت ماما 

مغرقاني بودرة تلك و برفانات ليه ؟؟؟؟؟؟

– أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار

– غير إن بودرة التلك بأي نوع ممكن على المدى الطويل تسببلي حساسية على صدري.

– و البرفانات الكتير بتخلليني مش عارف أشم ريحتك و دا بيقلب مزاجي و بيضايقني

– كمان ممكن تسببلي حساسية جيوب أنفيه .

– من فضلك تكتفي بالشاور و هدومي تكون نظيفة غير كده أنا مش محتاج حاجه …

أقرأ أيضا : حديثي الولادة ورعايته من الشعر حتي القدمين

 سؤال تاني يا أمي

بتشيلي إيدي من بُقي ليه …. بتضايقيني ليه …. أنا ضايقتك

في حاجه يا ستي ؟

– و أنا صغير أقوى خلايا حسية عندي  بتكون في الفم

– و بتكون أقوى كمان من الخلايا اللي في أطرافي 

– علشان كده باستخدم فمي في الإستكشاف و كل حاجه هحطها في بقي لِعب … إيدي …

رجلي …أنا حر يا ناس 

– كُل اللي عليكي تبعدي عني الحاجات الصغيرة علشان ما تسببليش إختناق لا قدر الله –

و لو  إستمريت في مص صوابعي لِعُمر ٣ سنوات إبقى إبدأي دوري على حل

 أظن مفيش أسهل من كده 

 

سؤال تاني يا أمي

مِش بتقصي أظافري بإنتظام ليه  ؟؟؟

– يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف

– يعني ضافرك لو بيحتاج يطول في إسبوع بيطول عندي في ٣ أيام بس

– لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي

و بقى شكلي شوارِع .

 

سؤال تاني يا أمي

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .

– أنا بالطريقة دي بقولك بحبك

– مش بأعرف أتكلم يا ناس و دي طريقتي في التعبير 

 

 سؤال لوالدتي الحبيبة 

ليه كُل الجيران يعرفوا إني مسهرك طول الليل .. ليه الفضايح دي ؟

 
– أولاً أنا بأنزل من بطنك مش عارف ليل من نهار

– و دا لإن ساعتي البيولوجية لسه مش شغاله 

– كمان المواد اللي جسمي بيفرزها علشان أنام بيبقى إفرازها غير منتظم

– و كل دا بيبدأ يتظبط عند الشهر السادس و بشوية تنظيم منك

– بإنك تهدي الجو بالليل و تضلمي الدنيا و تساعديني أنام 

– هاعرف الليل من النهار و أنام زي الناس 

– بس لو ماعملتش كده إستحمليني إبنك بردُه و واجب عليكي 

 

 سؤال للست ماما العزيزة 

هو لازم خالتو ديدي و طنط نونا و أنكل  ميمي …. يعرفوا إني بريّل و مفاصلي بتطقطق؟

– و الله ما لازِم و لا حاجه

– أنا بريّل علشان جهازي العصبي لسه ما إكتملش و قدرتي على البلع لسه ضعيفة

– و بالتالي مش بقدر أبلع كُل اللعاب و دا مش شرط يكون تسنين و لا فطريات

– أنا كِده خلقتي كِده و مع الوقت و بعد عُمر سنة الأمور بتتحسن 

– وممكن تبقي تسنين او لتهابات 

– المهم ان مفيش حد يبوسني من فمي عشان الامراض والبكتيريا لأني مناعتي ضعيفة

     مش هستحمل

– نيجي بأه للطقطقة و اللي بتبقى بسبب إن أوتاري بتتزحلق على بعضها

– يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم

    إنتم الكُبار

– تقلقي بس لو لقيتي مِفصل الفخذ هو اللي بيطقطق

– و في الحالة دي خالتو دينا و طنط زينب و أنكل فرحات مش هاينفعوكي .

هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ …

ألف بعد الشر عليا طبعاً 

اقرأ أيضا : رعاية الطفل حديثي الولادة

 دا طلب من الغالية 

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على

الصفحات و تزهقي و تقفلي القصة .

أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .

 أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و

أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا

عاقل .

اقرأ أيضا : 

 

%d مدونون معجبون بهذه: