الثلاثاء - 29 سبتمبر 2020

تربية الاطفال عمر سنتين

  • mahmoud
  • 07 يناير 2019
تربية الاطفال عمر سنتين

تربية الطفل عمر سنتين

تربية الطفل عمر سنتين وبدء تكوين شخصية وتكوين ادراكه يخلي  الام تدي أوامر للطفل زي :

متجريش – او هتوقع الكوباية تتكسر – متلعبش في التلفزيون

لو مردش الطفل الام تزعق وممكن كمان تنفعل وتصل للضرب

للاسف دا غلط ود

عزيزتي الام انتي كدا بتدمري ابنك او بنتك

هتقولي ازاي بدمره ؟

هتقولي انت مشوفتش ابني او بنتي اشقياء و مجنني ( دا مش طفل عمره سنتين) ؟

هتقولي اولادي دماغم ناشفة ( عنيد) ومش بيسمعوا كلامي ؟

وانا كمان بكون تعبانه من شغل البيت وغيرة …..الخ

طيب يا ست الكل انا معاكي في كل اللي بتقوليه بس ليا سؤال ليكي :

لو حضرتك نظفتي الشقة او البيت واتمسح هتسمحي لأي شخص يجي يدخل بالجزمة عليه او يوسخه ؟

لا طبعا ، ممكن تقوم حرب عالمية ثالثة انتي زعيمتها لو حد فكر يعمل كدا

طيب ليه تضيعي مجهودك والمك وتعبك وتحملك فترة الحمل ثم الرضاعة ثم الاهتمام بالطفل في الاكل

وتغيير الحافظات ( مجهود عظيم جدا ) يضيع وتخلي ابنك اوبنتك مدمر بزعقيك او تربيتك الخاظئة ليه .

 

نبدأ من هنا هتتعاملي مع ابنك او بنتك ازاي :

1- خلي ابنك او بنتك يحبك ويتعلق بيكي : وبالتالي هيسمع كلامك .

2- اعملي الصح دائما امامه وتجنبي فعل التصرفات الخاطئة : لأنه تلقائيا هيقلد بدون ما يعرف دا صح ولا غلط وينفع ولا لأ.

3- احذري توعيديه بحاجه مش هتعمليها : يعني تقوليه لو سكت هديك الموبايل تلعب بيه وتضحكي عليه ومش ياخد اي

حاجة ، لأنه كدا هيتعلم الكذب والخداع بدون ما تعرفي وتعاني فيه مستقبلا .

4- الكارثة الكبري (الزعيق او الضرب للطفل) : لازم تنسي موضوع الزعيق للطفل نهائيا ( الزعيق يكون فقط علي حاجة

خطيرة فقط زي اللعب في الكهرباء )

  • لأن استخدام الزعيق باستمرار هيتعود عليه وهو مش فاهم .

  • خلي بالك دا لسه طفل عمره سنتين او ثلاثة مش مدرك للاشياء زيك .

  • كمان لما يتعود للزعيق هيستخدمه معاكي ومع اخواته لما ينفعل

        لانه هيعتبره دا وسيلة للتعبير عن الغضب

        ( وكدا انتي بتحولي طفلك لطفل عنيف وسريع الانفعال

  • كمان بعد فترة هتبقي مجبره تضربية
         لأن الزعيق ملوش تأثير عليه لأنه اتعود
         وبعدها يتعود بردوا علي الضرب ويبقي كله عادي .
  • نفسيه الطفل هتبقي مهزوزة وعنده خوف دائما من العقاب

         ودي كارثة لان ممكن تسبب  :

         ( فزع في النوم – تبول لاارادي – وغيرها …..الخ) واحنا في غنى عن دا كله .

  • كمان هتموتي الابداع في شخصيته اللي هي دا فترة نموها وظهورها .
  • كمان هتوقفي عقله عن التفكير في حل للعقبات اللي ادامه .

5- استخدمي التفاهم معاه : بمعني كلميه قوله لو سمعت كلامي هيحصل كذا وكذا ، واستخدمي الحاجات اللي بيحبها .

6- العبي معاه وخليه يضحك : لو مصمم  علي حاجة غلط او عاوزاه مش يعملها تعلبي معاه وتضحكيه لغاية ما ينساها

، وكمان عشان يتعلق بيكي اكثر لما تقوليله انا زعلانه منك يخاف علي زعلك ويسمع كلامك

7- لما يصمم او ينفعل ويزعق ويبكي : خديه في حضنك والعبي معاه وضحكيه وفهميه ان دا غلط وانك بتحبيه وخايفه عليه .

8- لو عاوزاه يعمل حاجة : ابدأ اعمليها قدامه بفرحه زي مثلا : عاوزاه ياكل كلي معاه من طبقه وقولي الله الاكل جميل .

9- عمل غلط : اللي حصل خلاص يعني كوباية وقعت اتكسرت ، هيا خلاص اتكسرت يبقي بلاش اكسر نفسية ابني

او بنتي عشان كوباية هتتعوض انما ابني لأ

افهمه دا غلط وماما هتزعل منك ومعتش تعمل كدا ودي اخر مرة .

10- احذري تتمادي في الزعل من الطفل : يعني عمل غلط وزعلتي منه وجه عشان يطبطب عليكي او يصالحك مش

تقعدي تزليه ، لا زعلانة منك لا انا مخصماك ، هيزهق ويبقي زعلك مش فارق معاه .

لما يجي يصالحك تقوليله انا زعلت منك عشان عملت كذا وكذا ، اخر مرة مش هتعمل كدا ، وتاخديه

في حضنك وتصالحيه .

11- لو قدر يوصل لحاجة منعتيه منها : مش تعاقبيه لا شجعيه عشان دا ذكاء منه ويتعلم يفكر وينمي عقله

علي ايجاد الحلول للعقبات يعني مثلا : رفعتي لعبة علي مكتب عالي فالطفل فكر وجاب كرسي وطلع عليه

وطلع علي المكتب وخد اللعبة ، سبيه يلعب بيها فترة .

12- احذري تماما معاقبه الطفل خارج المنزل او امام أحد غريب

افضل فترة للتربية الطفل – فترة بناء الشخصية للطفل – فترة التفكير والابداع

اقرأ ايضا :

قناة اليوتيوب – حياتك بين ايديك life-inyour-hands

%d مدونون معجبون بهذه: