السبت - 30 مايو 2020

الفيتامينات والمعادن الضرورية للطفل

  • mahmoud
  • 15 ديسمبر 2019
الفيتامينات والمعادن الضرورية للطفل

الفيتامينات والمعادن الضرورية للطفل

 

س/ ايه الفيتامينات و المعادن اللي ضروري اديها لطفلي ؟ 

س/و نبدأ من عمر كام ؟

 

♦ فيتامين ك (vit K) : ⇐

– وده اول فيتامين الطفل لازم ياخدوا في حياته .

– من اول ما يتولد تتأكدوا من الدكتور اللي ولده ان الطفل اخد الفيتامين ده ولو لا تفكروه ولازم ياخده .

فيتامين ك ده مسؤول عن صناعة موانع النزيف الطبيعية اللي موجوده في الجسم .

– الطفل بيتولد معندوش مخزون كفاية منه وللأسف مش موجود في اللبن و الجسم

في العمر ده مش بيعرف يصنعه .

طيب لو الطفل مأخدوش ؟ الطفل في الحالة دي بيكون عرضه للنزيف من اي مكان .

– اشهرهم و اكثرهم حدوثا هو النزيف من الحبل السري او القي او النزيف مع البراز و اخطرهم نزيف المخ .

يتاخد ازاي ؟ جرعة واحدة عضل وقت الولادة . ((في منه بالفم ))

♦ فيتامين د (Vit D) : ⇐

– امتى ؟ من اول يوم .

ليه ؟

– فيتامين د مسؤول عن النمو السليم للعظام و الاربطة و كمان العضلات لانه بينظم امتصاص و عمل

الكالسيوم جوه الجسم . و كمان في دراسات بتقول انه بيحمي من البرد .

– طيب لو مأخدوش ؟ الطفل يكون عرضه للتأخر في المشي و التسنين و لين العظام

و تقوسات القدمين .

يتاخد ازاي ؟ 

– ٤٠٠ وحدة دولية (اربع نقط يوميا من ال v drop) قبل السنة الاولى .

– و ٦ نقط يوميا بعد كده لحد سن المدرسة على الأقل .

♦ الحديد  Iron : ⇐

– امتى ياخده ؟

الطفل اللي بيرضع طبيعي يبتدي عند الشهر الرابع

– ليه ياخده  ؟

الحديد مكون اساسي في حاجة اسمها الهيموجلوبين و المادة دي هي

المسؤولة عن نقل الاكسوجين في الدم من الرئة لأعضاء الجسم المختلفة .

– طيب لو مأخدوش ؟

الطفل بيكون عرضه للإصابة بفقر الدم ((الانيميا)) و ده بيأثر بشكل كبير على نمو الطفل .

و مجهوده و شهيته طفلك بيبقى همدان .

ضعيف و بيتعب بسرعة من اقل مجهود و نفسه مسدوده .

  • تسهيلا عليكم امشوا على الجدول ده :
    قطارة الهيدروفيرون:
    من ٤-٦ شهور: ربع قطارة
    من ٦- لسنه: نص قطارة
    من سنه لسنتين : قطارة كاملة

♦ فيتامين أ – Vit A : ⇐

– امتى ياخده ؟

عند سن ال ٩ شهور

– ليه ياخده ؟

فيتامين أ مسؤول عن سلامة الجلد و القرنية و اغشية الجسم المخاطية .

كما انه يقوي مناعة الجسم ضد الإصابة بامراض الجهاز التنفسي .

– طيب لو مأخدوش ؟

الطفل يكون عرضة للاصابة بضعف النظر – تشققات و تصبغات الجلد – ادوار البرد المتكررة

– يتاخد ازاي ؟

اول جرعة هتكون ١٠٠ الف وحده .

و هياخدها عند سن ٩ شهور

((المفروض انها كانت بتتاخد روتين مع التطعيم بس مش عارف لسه بيدوها ولا لا))

هي هتكون عبارة عن كبسولتين اسمهم (A-viton) وبيتاخدوا مره واحده .

– بعد سن السنتين ٤ كبسولات سنويا لحد سن ٦ سنين على الاقل .

♦ الاوميجا ٣ Omega-3 : ⇐

– مهم جدا لنمو الجهاز العصبي للأطفال و مساعدتهم على التركيز .

– و تنشيط الذاكرة و كمان بيقوي المناعة .

– انا بنصح بيه من سن المدرسة بس لو الطفل حاسين انه بيعاني من

نقص التركيز او ضعف الذاكرة او تشتت الانتباه او فرط الحركة ممكن نبتديه من قبل كده .

– الجرعة بتاعته بيحددها الطبيب حسب السن و الحالة و ان كان عامة ٥٠٠ مجم يوميا

الدكتور اشرف قاسم

 

اقرأ ايضا : 

 

1- حديثي الولادة ورعايته من الشعر حتي القدمين.

2- تغذية الطفل من عمر الشهر حتي عام

3- اضرار عمليات التخسيس واثارها الصحيه

4- تأخر التسنين عند الاطفال

5- طريقه إعطاء حقنة عضل للاطفال اقل من عمر ٥ سنوات

فيس بوك : صفحه حياتك بين ايديك
%d مدونون معجبون بهذه: