الأربعاء - 21 اكتوبر 2020

الشجار بين الأزواج

  • mahmoud
  • 03 يناير 2019
الشجار بين الأزواج

الشجار بين الازواج هي مشكلة كبيرة ومنتشرة جدا وزاد صداها حتي وصلت الي قاعات المحاكم وايضا قد

تنتهي عند المؤذون كما بدأت عنده.

لماذا وصل بنا هذا الحال واصبح كلمة الشجار بين الازواج مرادف لتدمير  العلاقات الاسرية ، ما هي الا حرب بين

الطرفين ومن يخرج منتصر ! هل الرجل ؟ ام المرأه ؟ ام الاطفال ضحية هذه العلاقة التي هي من اسمي العلاقات ؟

للاسف جميع الاطراف تخرج من المعركة خاسرة وخاصة الاطفال .

قارئ او قارئة هيسألني يعني مفيش مشاكل وشجار أسري ( شجار بين الازواج) عندك في البيت ؟

هرد عليه واقوله لا يخلو بيت من المشكلات الاسرية – ولكن لها أداب واصول يجب اتباعها من الطرفين حتي يكون

الشجار والخلاف مفيد وليس حرب دائرة بين خصمين وتنتهي بالطلاق او المحاكم او غيرها ……الخ .

نصلي علي الحبيب المصطفي محمد (ص) اولا ونبدأ ندردش مع بعض بمثال بسيط من هواه الطبخ والمطبخ ، لما

الاستاذ او الاستاذه تخش المطبخ وتجهز ادوات الطبخ لعمل اعظم أكله ، هيبقي في مقادير للأكلة وكمان في وقت

محدد عشان الاكلة تستوي وتبقي جاهزة وطعمها لذيذ ، وكمان لازم تتابع الاكلة لغاية اما تخلص عشان مش تتحرق .

حلو حياتنا الاسرية زي الاكلة الجميلة لازم يبقي ليها مقادير ووقت ومراعاه باستمرار .

حد هيقولي انت بتخرف ايه الللي بتقوله دا وايه وجه الشبه هنا ؟ ولا انت جعان ودا طلع في الكتابة ؟

هقولة اصبر معايا دقيقة مش هتندم

الاختلاف دا اساسي في حياتنا ولا غني عنه زي مقادير الطبخ لو زادت الاكلة تبوز ولو قلت تبقي الاكلة ملهاش طعم .

يبقي ايه مقادير الاختلاف ؟

الاختلاف هو اللي بيوجهنا علي التحسين والتطوير من حياتنا وتفادي العقبات .

وزي النار اللي بتسوي الاكلة لو اتسابت وقت طويل تتحرق ولو استعجلنا عليها هتبقي لسه غير جاهزة للاكل .

 يبقي ايه هو قت الاختلاف المناسب ؟

ايه هو فن الخلاف والاختلاف بين الزوجين (الشجار بين الازواج) ؟

هنا يبدأ الكلام الللي بجد ولازم نركز فيه كويس

* لازم نختار وقت مناسب ميكونش الطرف التاني بيتعرض فيه لضغوط نفسية كبيرة مأثرة عليه وابدأ اخش في شد وجذب معه.
  • وخاصة للراجل تراعي النقطة دي عشان وقتها الزوجة هتعتبر ان الدنيا كلها عليها وهتطبق مبدأ

( عليا وعلي أعدائي ) . المفروض تراضيها الاول وتعرف مضايقة من ايه وتتناقش معاها وطبعا لازم

يكون عندك صبر ايوب لأنها هتفضل تقولك مفيش .. مفيش .. مفيش .. ولما ربنا يكرمك وتنجح هتقولك .

 

  • وللزوجة حضرتك متجيش وجوزك راجع من الشغل تعبان او عنده مشاكل او رايح ينام وتبدأي تتخناقي معاه

طبعا هيلعن اليوم اللي اتجوز فيه .

* النقطة الاهم لازم نخلي بالنا كويس جدا ان الاطفال لا يحضروا ولا يسمعوا اي خلاف بين الزوجين نهائيا 
  • طبعا دا بيأثر علي نفسية الاطفال سواء اعمارهم صغيرة او كبيرة ومش بيأثر بس لا دا بيدمر نفسيتهم .
  • بيأثر علي المستوي العقلي وخاصة العقل الباطن بيتم تخزين صور حزينة ومواقف الخناق فيه ومستقبلا

تأثر علي حياته الاسريه .

  • كمان هيأثر علي حياته الدراسية ويخليه شخص عنيف .
  • طبعا هيخليه يميل لاحد الطرفين الأب او الأم ، وكل طرف يحاول يقنعه انه صح عشان يضمه ليه .
  • الكارثة هنا انه لما يكبر هيبدأ يدور عن الحب والهدوء برا البيت والله اعلم هيلاقيهم فين ويوصلوه لأيه .
* لازم نركز اننا بنتناقش ممكن اكون صح او أكون غلط .
     يعني مبقاش واخد قرار ومصمم عليه بدون اي نقاش او تفاهم او سماع وجهه النظر الاخري .
* لازم نبقي بنتكلم بصوت معقول لا عالي ولا واطي .
    اصل دي مش خناقة عشان اعلي الصوت فالطرف التاني يعلي الصوت ولا يكون الصوت هادي فالطرف التاني مش
   يسمعني او يسمع كلمه غلط ويفهم غلط .
* لازم لما نختلف او نتخانق لا نشتم او نقول الفاظ خارجه او تعبيرات مهينة عشان بتجرح الطرف التاني وممكن توصله
     للخروج عن شعور .
* مش لازم لما نتخانق نقعد نقلب في الدفاتر القديمة ونطلع اللي فات ونقعد نعد لبعض كام مره غلط وكام مره عمل كذا …..الخ.
* لازم نركز اوي ان الخلاف او الخناق ليس حرب فيها منتصر وخاسر .
     لأن في الأول الاخر علاقة الزوجية علاقة مقدسة تسمو علي اي علاقة اخري .
* طبعا مهم جدا ان المشاكل واي خلاف بين الزوجين يكون داخل البيت وليس خارجه وليس امام اي أحد .
    عشان نحافظ علي مظهر بعض وكمان محدش يبقي عارف عننا اي حاجة او يدخل فيها ويزود المشاكل.
* مهم جدا ان المشاكل تفضل في داخل اطار الزوجين .
     بلاش نقعد نحكي لأخواتنا واصدقائنا وغيرهم وكل واحد يدي مقترح يزود المشكلة وتكبر اكثر .

هو : ازاي ترد عليك وتقولك كدا انت مش راجل لو سكت ليها ، او لو عديت الموضوع هتمشي كلامها عليك .

وهي: لا لو سكتي ليه هيصبحك بعلقة ويمسيكي بعلقة اوعي تسكتي ليه .

بلاش نسمع نصايح من حد ونمشي وراه احنا نحل مشاكلنا بنفسنا.

الزواج علاقة مودة ورحمه بين الزوجين

الزواج زي شجرة صغيرة بتزرعها محتاجة رعاية واهتمام عشان تكبر وطلع ثمر ( الاطفال ) ويبقي شكلها جميل ومفرح

خلينا نحب بعض – ونراعي بعض – ونحافظ علي مشاعر بعض – ونهتم ببعض

 

صفحة حياتك بين ايديك

اقرأ ايضا :

الحقن العضلي سؤال وجواب

حقنة العضل للأطفال تصيب بالشلل

اضرار عمليات التخسيس واثارها الصحيه

تأخر التسنين عند الاطفال

العنف الاسري تعريفه واثاره واضاره علي الاسرة والمجتمع

الذكاء العاطفي ودوره في تطوير الذات

التربية الايجابية للاطفال والمراهقين – 54 اداه للتربية الايجابية

مرحلة التسنين عند الاطفال

طريقه إعطاء حقنة عضل للاطفال اقل من عمر ٥ سنوات

تربية الاطفال عمر سنتين

ازالة الهالات السوداء اسفل العين

كيفيّة التعامل مع إرتفاع درجة الحرارة عند الأطفال

طريقة تنظيف الجسم من السموم

تنعيم الشعر

اهم النصائح – فقدان الشهية عند الاطفال

قناة اليوتيوب – حياتك بين ايديك life-inyour-hands

%d مدونون معجبون بهذه: