الاثنين - 13 يوليو 2020

التهاب السحايا عند الاطفال واعراضه وعلاجه

  • mahmoud
  • 06 يناير 2019
التهاب السحايا عند الاطفال واعراضه وعلاجه

الموضوع خطير جدا فـ الله يكرمكم تاخدو بالكم و تركزو في الكلام ده عشان التهاب

السحايا شئ خطير

إيه هو التهاب السحايا ده ؟؟

هو التهاب الأغشية المحيطة بالدماغ و الحبل الشوكي

 أهم أسبابه ..

فيه نوعين رئيسين

فيروسي -> معظم الحالات

بكتيري    -> بعض الحالات

بالنسبة لحالات السحايا البكتيرية فهي خطيرة جدا

و دي بعض العوامل الـِ بتزود من عرضة الطفل للأصابة بيه :

١- التعرض لشخص مصاب بالتهاب سحايا بكتيري

٢- تعرضه مؤخرا لالتهاب بكتيري بالأذن أو الجيوب

٣- السفر مؤخرا لمناطق فيها التهاب السحايا البكتيري التهاب شائع

٤- إصابة في الرأس

٥- مشاكل في جهاز المناعة

٦- تعرض لاجراء عملية زراعة قوقعة

٧- مشاكل خلقية وتشوهات معينة

لا قدر الله إن إتأخر علاجها، وارد جدا يكون مضاعفاتها خطيرة وطويلة الأمد و منها ..

١- الموت

٢- الصمم .. و مشاكل النظر

٣- الشلل الدماغي

٤- التشنجات المتكررة و التخلف العقلي

و بالنسبة للتهاب السحايا الفيروسي

أكثر الفيروسات الـِ الممكن تسبب التهاب بالسحايا هي عائلة من الفيروسات إسمها الفيروسات

المعوية ENTEROVIRUSES .

الفيروس ده بيتنقل عن طريق التعرض لبراز شخص مصاب بيه من خلال تغيير الحفاضات للأطفال مثلاً،

أو بشكل غير مباشر عن طريق التعرض لماء أو طعام أو أسطح ملوثة بالفيروس .

على الرغم من التهاب السحايا البكتيري عادة أكثر حدة و خطورة إلا أن أعراضه ممكن تتشابه مع التهاب

السحايا الفيروسي.

عادة من الصعب تحديد إن كان الالتهاب بكتيري أو فيروسي من خلال الاعتماد فقط على أعراض المرض

الظاهرة على الطفل .

اقرا ايضا : طريقه إعطاء حقنة عضل للاطفال اقل من عمر ٥ سنوات

 أهم أعراض و علامات التهاب السحايا

في بعض الأوقات الحالة بتبدأ بالتدهور بشكل تدريجي خلال أيّام،

ممكن تبدا بحرارة و بعدين تبان الاعراض الثانية

و في حالات تانيه تتدهور الحالة فجأة في ساعات

 اعراض السحايا البكتيرية ممكن تكون :-

  •  حرارة (اكتر من ٣٨)
  •  ألم في الرأس و الرقبة و ترجيع
  • اختلاف درجة الوعي، الانزعاج من الضوء
  •  ممكن يسبب تشنجات او طفح جلدي
  •  تصلب في الرقبة

 أعراض التهاب السحايا الفيروسي :

  • ممكن يكون مشابهة للبرد
  •  حرارة (أكتر من ٣٨)
  •  ألم في العضلات كلها
  •  رشح في الانف
  •  كحة

 علاج السحايا ؟

⇐ السحايا البكتيرية : علاجها بالمستشفى

بالمضادات الحيوية وبجرعات عالية ولفترة طويلة من ١-٣ اسابيع

كلما تاخرنا بالعلاج زادت المضاعفات

⇐ ومعظم حالات السحايا الفيروسية تشفى تلقائيا

اقرأ ايضا : مرض نقص المناعة عند الحامل

طب إيه اكبر المشاكل الـلي بتواجهنا في علاج السحايا !! 

⇐ إن الطفل اخد مضاد او حُقن للحرارة دون معرفة السبب الحقيقي للحرارة،

و ظهر بعدها اعراض السحايا

هنا تكمن المضاعفات لانه المضاد بيأخر ظهور اعراض السحايا و مع الوقت بتزيد المضاعفات ..

و لما تظهر الاعراض بعدها بيكون الطفل اكل بطيخ للاسف

⇐ يعني كل ما عطينا مضاد أقوى (خصوصا الحقن) – بتاخر ظهور الاعراض اكثر – وبتزيد المضاعفات

اكثر و اكثر

⇐ وحتى لو كان السبب فيروسي .. فالمضاد بياثر على الزراعة

و هنا بنضطر علاجه لفترة طويلة بالمستشفى مع انه مش بيحتاج علاج لو مأخدش مضاد قبل كده …

الوقاية_من_التهاب_السحايا

التطعيمات ( متوفره من خلال حملات المدارس و الحضانات فقط )

 المضادات الحيوية الوقائية :

لو اتعرض الطفل لشخص مصاب بالتهاب بكتيري سببه بكتيريا سحائية meningococcal

ينصح بإعطاء الطفل مضاد حيوي لمنع إصابته بها حسب وصف الطبيب ( التعرض يتطلب أن يكون

الشخص يعيش مع الطفل أو قضى معه أكتر من ٤ ساعات في الأيام السبعة الأخيرة قبل ما تظهر

الأعراض على الطفل )

 مكافحة انتقال العدوى على عائلة الطفل المصاب بالسحايا و اتخاذ الاجراءات الـِ تمنع انتشار المرض منها :

– غسل الأيدي بعد التعامل مع الطفل

– عدم مشاركة أغراض الطفل من كاسات وصحون ومعالق ومناشف وغيرها مع شخص آخر

– تغطية فم الطفل عند السعلة وعدم تقبيله

يجب الاستمرار في الإجراءات دي لغاية ما تختفي كل أعراض المرض

 نصيحة !! 

 التهاب السحايا مرض خطير و ممكن يبدا بحرارة بس .. و بالتالي لو مفيش سبب بكتيري

واضح للحرارة عند الطفل .. فـ بلاش تديهم مضاد حيوي أو حُقن.

 


المصادر : د/ حسني عثمان

صفحة حياتك بين ايديك

حقنة العضل للأطفال تصيب بالشلل

مشكلة نقص فيتامين د

رعاية الطفل حديثي الولادة

طريقه إعطاء حقنة عضل للاطفال اقل من عمر ٥ سنوات

اضرار عمليات التخسيس واثارها الصحيه

العنف الاسري تعريفه واثاره واضاره علي الاسرة والمجتمع

الزوج العنيد

الشجار بين الأزواج

حقنة عضل وكيفية اعطائها للمريض

مشكلة تأخر الكلام عند الأطفال

طريقة عمل سمك مقلي ورز صيادية وسلطة بابا غنوج

كيفيّة التعامل مع إرتفاع درجة الحرارة عند الأطفال

قناة اليوتيوب – حياتك بين ايديك life-inyour-hands

%d مدونون معجبون بهذه: